Tónlistarkonan Björk hefur undanfarið verið að kynna sér tækifæri í nýsköpun og hvernig auka megi fjölbreytni í atvinnulífi íslendinga með áherslu á sjálfbærni og grænan iðnað.  Á dögunum heimsótti Björk fyrirtækið ORF og kynnti sér starfsemi þess.  Í útvarpsþættinum „Í heyranda hljóði” á RÚV ræddi  Björk nauðsyn nýsköpunar og fjölbreytts  atvinnulífs  og tók dæmi:

„Það var rosalega jákvætt og uppbyggjandi fyrir mig heimsækja fyrirtækið ORF og sjá hvernig þeir hafa þróað aðferð til að rækta byggprótein í gróðurhúsi í Grindavík, með grænni raforkulýsingu og í Heklu vikri. Þeir eru líka með vinnustað í Reykjavík þar sem þeir hafa virkjað íslenskt hugvit í eitt framsæknasta líftæknifyrirtæki heimsins í dag.  Og allt í harmóniu við náttúruna og vísindin og er mjög arðbært”.
Óhætt er að segja að starfsfólki ORF þyki ákaflega vænt um þessa hvatningu og viðurkenningu frá okkar virtu tónlistarkonu. Takk Björk!