Græn smiðja

Ræktun byggs ORF Líftækni sem notað er til að framleiða ISOkine™ vaxtarþætti, svo og öll ræktun á þróunarstigi og fyrstu skrefum framleiðslu, fer fram í Grænu smiðjunni í Grindavík. Þar hefur ORF Líftækni reist 2000 fermetra gróðurhús undir starfsemi sína þar sem starfa fimm starfsmenn. Græna smiðjan er eitt fullkomnasta gróðurhús landsins. Byggið er ræktað með mikill sjálfvirkni í vatnsrækt á færiböndum. Hitastigi, birtu, og rakastigi er stjórnað nákvæmlega til að aðstæður fyrir ræktunina séu sem bestar.

Undirbúningur er hafinn að því að Græna smiðjan uppfylli kröfur um framleiðslu próteina fyrir lyfjaþróun og lyfjagerð. Sú framleiðsla mun fara fara fram í hluta hússins. Í Grindavík er nægan jarðvarma að fá og rafmagn til lýsingar og stækkunarmöguleikar miklir. Græna smiðjan í Grindavík getur því orðið aðsetur framtíðarlyfjaframleiðslu fyrir heimsmarkað á próteinlyfjum framleiddum í Orfeus™ kerfinu.