Rannsóknir um miðja síðustu öld leiddu í ljós að allt erfðaefni er svokallað DNA (deoxyribonucleic acid), eða kjarnsýra. Erfðaefnið ber eiginleika á milli kynslóðanna.

Með hæfilegri einföldun má segja að hver gen ákvarði röð amínósýra í einu próteini. Genin geyma bara upplýsingar en það eru próteinin sem eru verkfæri frumunnar sem sinna hinum ýmsu störfum frumunnar.

Gen, eða erfðavísar, geyma upplýsingar um einkenni eða erfðaeiginleika lífvera. Til einföldunar má segja að hvert gen geymi upplýsingar um byggingu eins ákveðins próteins.

Hugtakið erfðabreytt planta er notað yfir kynbættar plöntur þar sem nýrri tækni hefur verið beitt til að búa til nýtt afbrigði eða yrki, þ.e. plöntu með nýjan eiginleika. Með þessari tækni eru ákveðin eru gen valin og einangruð úr einni lífveru og flutt yfir í nytjaplöntu sem ekki er með þetta ákveðna gen fyrir.

Þegar erfðabreytt planta er búin til eru oftast tvö ný gen flutt yfir í nytjaplöntuna, en þegar um hefðbundnar kynbætur er að ræða getur fjöldi nýrra gena í nytjaplöntunni skipt tugum eða jafnvel hundruðum.

Öll gen, allt erfðaefni, eru búin til úr sömu, fjórum grunneiningunum, þ.e. A-kirnum, T-kirnum, C-kirnum og G-kirnum, en þetta er efnasameindir sem raða sér í keðju og mynda þannig erfðaefnið.

Já. Ein af ástæðunum fyrir því að bygg varð fyrir valinu sem framleiðslujurt ORF Líftækni er líffræðileg einangrun byggs hér á landi. Yfir þúsunda ára reynsla er af því að bygg vex ekki villt á Íslandi og hér vaxa engar jurtir sem bygg getur blandast við.