ISOkine™ vaxtarþættir

ORF Líftækni framleiðir mikinn fjölda vaxtarþátta fyrir líf- og læknisfræðirannsóknir undir vörumerkinu ISOkine™. Með heitinu ISOkine™ er vísað til gæðastjórnunar og gæða afurðanna og til enska orðsins yfir vaxtarþætti (cytokine).

Vísindamenn um allan heim nota ISOkine™ vaxtarþætti við grunnrannsóknir á boðskiptum frumna, sérhæfingu þeirra og hagnýtingu fyrir vefjasmíði (regenerative medicine), til lyfjarannsókna og lækningameðferða. Helstu notendur ISOkine™ vaxtarþátta eru rannsóknahópar innan háskóla, rannsóknastofnana, lyfjaþróunarfyrirtækja og líftæknifyrirtækja sem stunda rannsóknir á sviði frumulíffræði. Aðrir mögulegir notendur eru t.d. fyrirtæki sem framleiða sérvirk frumuæti fyrir aðila í læknisrannsóknum og lyfjafyrirtæki sem framleiða próteinilyf.

ORF Líftækni býður nú viðskiptavinum sínum yfir fjörtíu ISOkine™ vaxtarþætti og yfir eitthundrað vaxtarþættir eru að auki á mismunandi stigum framleiðslu. Öll ræktun tengd framleiðslu á ISOkine™ vaxtarþáttum fer fram í Grænu smiðjunni, hátæknigróðurhúsi ORF Líftækni í Grindavík.