ORF Líftækni

ORF Líftækni hf. er íslenskt nýsköpunarfyrirtæki á sviði líftækni sem hefur þróað nýstárlega framleiðsluaðferð til að framleiða  verðmæt, sérvirk prótein sem m.a. notuð eru til læknisfræðirannsókna víða um heim. Afurðirnar hafa hlotið hrós fyrir hreinleika og gæði og fyrirtækið vakið athygli erlendis fyrir nýskapandi grænan iðnað. Nokkur þessarra próteina eru einnig eftirsótt í húðvörur og dótturfélag ORF Líftækni , Sif Cosmetics sér um þróun afurða fyrir þann markað. Hjá ORF Líftækni og dótturfyrirtæki þess starfa nú um 40 starfsmenn, langflestir háskólamenntaðir. Fyrirtækið er með þrotlausu þróunarstarfi og uppbyggingu, komið í fremstu röð fyrirtækja í heiminum á sínu sviði . ORF Líftækni hlaut Nýsköpunarverðlaun Rannís, Útflutningsráðs og Nýsköpunarmiðstöðvar árið 2008.